kelan ko to magagawa?

masarap magkubli sa ilalim ng malaking puno ng mangga sa tuktok ng bundok at tanaw mo ang lahat. mas masarap pagmasdan ang galaw ng mga tao sa malayo. 'yun bang ikaw lamang ang nakakakita sa kanilang lahat. tapos ikaw hindi ka nila matanaw. gusto ko ng ganun. nacucurious ako kung pano kaya ang feeling nang para kang si Lord. nakamasid lang. :D

mabilis mabusog ang paningin ko kesa sa tyan ko.

madali akong napapasaya ng kahit anumang tanawing magandang pagmasdan sa paningin ko. napapaligaya ko ang sarili ko na hindi na kinakailangan pang maghubad ng damit at makaniig ang kung sinuman. kontento na akong mamasdan ang mga minamahal ko sa buhay na masaya sa kanilang ginagawa. ang plastic na ang korni na ang baduy pero totoo.

masarap kaya tignan ang mga batang malayang naghahabulan na para bang sila ang may ari ng sanlibutan. higit na mas sweet pa kina kim at gerald ang dalawang lolo't lola na sabay na naglalakad habang magkahawak kamay. nakakaaliw ang dalawang batang babae na magkapatid na masayang naglalaro ng manika, walang pakialam sa mundo.

haaaaaayy.... wala lang. mas masarap sa kahit anu pa mang pakiramdam sa mundo iyong nagagawa mo ang pinakagusto mo. nakakahinga ka ng walang halong pait sa dibdib. payapa ang iyong kalooban at nakakahinga ka ng sariwang hangin.