tagubilin

 naghintay ako. naghihintay. maghihintay. sino ka man. nasaan ka man. andito lang ako para sayo....

humanap ka ng taong iintindi sayo. taong marunong umunawa. hindi sapat ang mahal ka lang niya. humanap ka ng taong hinding-hindi ka pagsasawaan. at kahit ano pa man ang kamalian mo ay matatanggap ka. minsan ka lang makakakita ng taong ganon at kung makakahanap ka, wag mo na silang pakakawalan.

humanap ka ng taong handa kang tanggapin kung sino ka man at kung ano ka pa man.

matuto kang magpahalaga sa bawat taong nakakaharap mo. bawat taong nakikilala mo. pahalagahan mo rin ang mga taong sa tingin mo’y pinapahalagahan ka. matuto kang tumayo sa sarili mong paa. matuto kang tumayo sa bawat pagkakadapa. matuto ka ring umunawa. hindi sa lahat ng panahon umaayon sayo ang mundo. maging bukas ka sa pagbabago. matuto kang umiyak, hindi masama ang umiyak. matuto kang ipaglaban ang sa tingin mo’y tama. matuto kang tumanggap ng pagkatalo at pagkabigo. weder weder lang yan.

lagi kang mag-iingat. kumain ka ng wasto. sa panahon ngayon, bawal magkasakit. alam mo bang wala ng pedeng pumalit sayo kapag nawala ka sa mundo? dahil nag-iisa ka lang. WALA ng pepedeng maging IKAW. WALA ng ibang IKAW sa MUNDO. tandaan mo yan. wag mo nang tatangkaing manigarilyo. hindi bagay sayo. hindi rin magandang tingnan. muka kang kapre. uminom ka ng tama lang. dahil hindi din bagay sayo ang maglasing. at wala kang karapatang uminom at manigarilyo. dahil bata ka pa. magpayong ka kapag umuulan. dahil kung sa tingin mong malakas ka, pwes nagkakamali ka. hindi ka malakas. umasa ka pa. sipunin ka kaya. hindi ka SUPERHERO, pede ba? wala kang superpowers! hibang ka ha.

maghanap ka ng tagapahid sa iyong luha. maghanap ka ng kumag na kaya kang patawanin. maghanap ka ng taong kahit anung gawin mong iwas e, mananatili sa iyong tabi. taong alam mong di ka kayang iwanan ng ganun-ganon lang at taong laging tapat.

sige. wag ka na munang magmadali. matuto kang maghintay. ang lahat ng bagay ay dumadating sa takdang panahon at ang lahat ng dumadating ay may dahilan. minsan merong dumadating, pero di naman nagtatagal. ganon talaga. me dahilan nga ang lahat.

dahan-dahan ka lang. hinay-hinay. teykyurtaym